Te Ururoa Flavell

I mua, he kaitōrangapū a Te Ururoa Flavell mō te Pāti Māori, ā, he kaiako hoki. I mua i tana taenga atu ki Te Wānanga o Aotearoa hei Kaiurungi i te tau 2018, tekau mā rua tau ia e tū ana hei Mema Pāremata mō te rohe o Te Waiariki. I a ia i taua tūranga, ko ia te Minita mō ngā Take Māori, mō te Whānau Ora me te Minita Tuarua mō te Manatū Ōhanga. I mua i tana tū hei Minita, ko ia te Tumu Whakarae o Te Whare Wānanga o Awanuiārangi me Te Ataarangi. He whānui kē āna tūranga mahi ki te ao mātauranga, pēnei i te mahi tumuaki me te mahi hei mātanga hāpai i ngā umanga o te kāwanatanga.

Ko te mea nui kia rongo tō ngākau i ngā hiahia, i ngā tūmanako o te iwi.